ОРА МЕТАЛЛ ХХК-ийн "Цутгуурын автомат үйлдвэр"-ийн товч танилцуулга

              Орхон аймгийн ОРА МЕТАЛЛ ХХК нь 2004 онд байгуулагдсан бөгөөд уул уурхайн эрдэс хүдрийг нунтаглах элэгдэлд тэсвэртэй тээрмийн бөөрөнцөг, цутгамал эд ангийн үйлдвэрлэлийг 20 дахь жилдээ явуулан “Оюутолгой” ХХК, Эрдэнэт үйлдвэр ТӨҮГ, Бороо Гоулд ХХК болон Дарханы төмөрлөгийн үйлдвэр, цементийн үйлдвэрүүдэд бүтээгдэхүүнээ амжилттай нийлүүлэн хамтран ажиллаж ирсэн үндэсний металлургийн цөөн үйлдвэрүүдийн нэг юм.

            Өнгөрсөн жилийн хугацаанд ОРА МЕТАЛЛ ХХК нь үйлдвэрийнхээ өргөтгөл, техник технологийн шинэчлэлтийг тогтмол хийж ирсэн бөгөөд, энэ оны 07-р сард Монголд анх удаа "Цутгуурын автомат үйлдвэр"-ийг ашиглалтад оруулсан амжилтаар 20 жилийнхээ ойд бэлэг барин угтаж байна.