Мэдээ

Сар шинийн мэнд хүргэе

Ораметалл компани байгаль орчны нарийвчилсан үнэлгээгээ шинэчлэн батлууллаа.

Оюутолгой компанид 1146 ханган нийлүүлэгчид бараа бүтээгдэхүүн ажил үйлчилгээ нийлүүлдгээс 800 орчим нь дотоодын ханган нийлүүлэгчид байна. Эдгээрээс 124 компани өөрсдийн бүтээгдэхүүн ажил үйлчилгээг танилцуулсан, туршлагаа хуваалцсан үзэсгэлэн 2 өдөр Буянт-Ухаа спорт цогцолборт боллоо.

Орхон аймгийн “Ораметалл” ХХК нь шинэ технологи нэвтрүүлэх, бүтээгдэхүүний чанарыг сайжруулах, баталгаажуулах чиглэлээр шинжлэх ухааны суурь судалгаа, туршилтын ажлыг тогтмол явуулдаг. Энэ удаа Ш.Отгонбилэгийн нэрэмжит Технологийн сургуультай байгуулсан хамтран ажиллах гэрээний хүрээнд “Ораметалл” ХХК-ийн элэгдэлд тэсвэртэй хромжуулсан цутгамал бөөрөнцгийн дотоод бүтцийн судалгааг тус сургуулийн металл судлалын лабораторид судалж ган бөөрөнцөг тус бүр дээр 3 байрлалд дотоод бүтцийг тодорхойлж дүгнэлт, зөвлөмж өглөө.

“Ораметалл” ХХК нь төрөл бүрийн хүдэр нунтаглах элэгдэлд тэсвэртэй тээрмийн ган бөөрөнцгийн үйлдвэрлэгч юм.Манай компани бага хромт(Cr2%)43-50HRC болон дунд хромт (Cr10%)56-65HRC гэсэн хатуулаг, химийн бүтэц найрлага, механик үзүүлэлт бүхий тээрмийн бөөрөнцөг үйлдвэрлэн хэрэглэгчдэд нийлүүлж байна.

Орхон аймгийн “Ораметалл” ХХК нь үйлдвэрийн өргөтгөл, шинэчлэлт хийх техник тоног төхөөрөмжөө шинэчлэх, шинэ технологи нэвтрүүлэх, бүтээгдэхүүний нэр төрлийг олшруулж чанарыг сайжруулах ажлыг үе шаттайгаар хийж хэрэгжүүлж байна. 2018 оны 5-р сараас элэгдэлд тэсвэртэй цутгамал эд анги (тээрмийн болон хүдэр дамжуулах урсгуур, бункерийн хуягууд, хүнд машин механизмын газартай харьцах эд анги-экскаваторын шүд бульдозерын ир, буйл г.м) үйлдвэрлэх Gase-fared foundry технологи бүхий 2200 м2 талбайтай цутгуурын үйлдвэрийг шинээр барьж байгуулан 2018.11.20-нд ашиглалтанд оруулахаар шамдан ажиллаж байна.

Оюу толгой компанийн Худалдан Авалтын хэлтэс болон Байгаль Орчны Хэлтсийн хамт олноос санаачлан, Шинжлэх Ухааны Академын Харъяа, Ботаникийн Цэцэрлэгт хүрээлэнтэй хамтран зохион байгуулсан Мод тарих арга хэмжээнд идэвхтэй оролцов.

Оюутолгой компанийн захирал Армандо Торрес Ораметалл компанийн удирдлагыг хүлээн авч уулзан Олон улсын стандартад нийцсэн бүтээгдэхүүнийг Монголд үйлдвэрлэн Оюутолгой компанийн шилдэгийн шилдэг ханган нийлүүлэгчээр шалгаран ажиллаж байгаад баяр хүргэн амжилт хүслээ. Ораметалл ХХК нь Оюутолггой компанийн ханган нийлүүлэгчээр ажиллаж эхэлсэнээс хойш үйлдвэрлэл тогтворжиж борлуулалт нэмэгдэн үр ашигтай үйл ажиллагаа явуулж байна. Шинээр 54 ажлын байр орон нутагт бий болгосон, улсын болон орон нутгийн төсөвт төлөх татварын хэмжээ 2 дахин нэмэгдэж 1,2 тэрбум төгрөг болсон, ажилчдын цалинг 20% нэмэгдүүлсэн зэрэг олон сайхан амжилт үр дүнд хүрээд байгаагаа Ерөнхий захирал С.Бат-Эрдэнэ тэмдэглээд, цаашид Ораметалл компани ОТ-д импортоор авдаг цутгамал эд ангийг Монголд үйлдвэрлэх чиглэлээр төсөл хэрэгжүүлэн ажиллаж байгаа тухай танилцуулав.

Оюутолгойн ХХК-ийн баяжуулах үйлдвэрийн Засвар үйлчилгээний хэлтсийн менежер М.Ганболд, Металлургийн судалгаа тооцооллын ахлах мэргэжилтэн Д.Бүдрагчаа нар Ораметалл компанийн тээрмийн бөөрөнцгийн үйлдвэрлэлийн үйл ажиллагаа, түүхий эд материалын нөөц, бүтээгдэхүүний чанарын хяналт шалгалтын явцтай танилцлаа. Хоёр тал хамтын ажиллагааны ололтууд болон цаашдын захиалга, хүргэлт, нөөцийн удирдлагын менежментийг сайжруулах, аюулгүй ажиллагаанд анхаарах зүйлсийн талаар санал бодлоо харилцан ярилцлаа.

Нэн түрүүнд ХАБ-Хамтын оролцоо-2018 арга хэмжээнд Ораметалл ХХК оролцов. Ораметалл ХХК-ийн эрхэм зорилго: Аюулгүй ажиллагааг эрхэмлэж дэлхийн стандартаар Монголд үйлдвэрлэн эх орныхоо хөгжил, дэвшилд хувь нэмрээ оруулах юм.